Cotabato – Arestado ang Top 1 Municipal Most Wanted Person matapos ang isinagawang manhunt operation ng mga operatiba ng Midsayap Municipal Police Station sa bahagi ng Barangay Villarica, Midsayap, Cotabato nito lamang Hunyo 12, 2023.
Kinilala ni Police Lieutenant Colonel Rolly Oranza, Chief of Police ng Midsayap MPS, ang naarestong suspek na si alyas ”Josh”, 54, isang construction worker at residente ng Barangay Upper Bulanan, Midsayap, Cotabato.
Isinagawa ang nasabing operasyon matapos makatanggap ng impormasyon ang Magpet MPS mula sa Barangay Intelligence Network ng Brgy. Villarica na ang nasabing suspek ay namataan umano partikular sa nasabing lugar.
Naaresto si Josh dahil sa bisa ng Warrant of Arrest sa kasong rape na walang inirekomendang piyansa.
Muli namang nanawagan ang kapulisan ng PRO 12 sa iba pang wanted person sa rehiyon na sumuko na nang mapayapa sa batas at harapin ang kanilang mga kasalanan, dahil hindi titigil ang PNP sa paghuli sa mga indibidwal na nagtatago sa batas.
Panulat ni Patrolman Gio Batungbacal
