Camiling, Tarlac – Arestado ng Basista Municipal Police Station ang Top 1 Municipal Most Wanted Person sa kasong Incestuous Rape sa Brgy. Bilad, Camiling, Tarlac nitong Martes ika-18 ng Oktubre 2022.
Kinilala ni Police Captain Paul Vincent Tadeo, Officer-In-Charge ng Basista Municipal Police Station, ang suspek na si Edmond Frias y Casido, 50, may asawa, electrician at residente ng Brgy. Poblacion, Basista Pangasinan.
Ayon kay PCpt Tadeo, bandang 2:30 ng hapon nang naaresto ang suspek na pinangunahan ng Basista MPS katuwang ang 1st Provincial Mobile Force Company Pangasinan at PNP Drug Enforcement Group Special Operation Unit 1.
Dagdag pa ni PCpt Tadeo, naaresto ang suspek sa bisa ng Warrant of Arrest sa kasong Incestuous Rape na walang kaukulang piyansa.
Ang Basista PNP ay patuloy sa pagtuligsa sa may kasalanan sa batas upang mapanagot ang mga ito at matiyak ang mapayapa at maayos na komunidad.
Source: Basista MPS
Panulat ni PSSg Marvin Jake Romero
