Arestado ang Top 1 Municipal Most Wanted Person ng Sto. Tomas, Pangasinan sa isinagawang operasyon ng mga awtoridad sa Barangay Pulong Buhangin, Santa Maria, Bulacan bandang alas-10:00 ng umaga nito lamang ika-18 ng Marso 2025.
Kinilala ang suspek na si alyas “Dugong,” 20 taong gulang, residente ng Purok 7, Barangay San Antonio, Sto. Tomas, Pangasinan.
Naaresto ang suspek sa bisa ng Warrant of Arrest sa kasong Carnapping sa ilalim ng Section 3 ng Republic Act 10883 na may inirekomendang piyansang Php300,000.
Ang pagkakahuli sa suspek ay nagpapakita ng dedikasyon ng Sto. Tomas PNP na mapanatili ang kaayusan at seguridad ng mamamayan sa kanilang nasasakupan.
Source: Sto. Tomas MPS
Panulat ni PMSg Marvin Jake Romero
