Camarines Norte – Arestado ang Top 1 Municipal Most Wanted Person ng Capalonga, Camarines Norte sa isinagawang Manhunt Operation ng Capalonga PNP sa Purok 4, Barangay Camagsaan, Capalonga, Camarines Norte nito lamang Setyembre 18, 2023.
Kinilala ni Police Major Eumorpho Batlangao, Hepe ng Capalonga MPS, ang akusado sa alyas na “Rudy”, 33, binata at residente ng nabanggit na lugar.
Ayon kay Police Major Batlangao, bandang 1:00 ng tanghali ng naaresto ang akusado ng operatiba ng Capalonga Municipal Police Station sa bisa ng Warrant of Arrest sa kasong 4 counts of Rape na walang inirekomendang piyansa.
Ang PNP Bicol ay patuloy na maglulunsad ng mga operasyon upang mahuli ang mga taong wanted o may pananagutan sa batas upang maihatid ang hustisya sa kanilang mga naging biktima.
Source: Capalonga MPS CNPPO
