Arestado ng Laoac Municipal Police Station ang Top 1 Municipal Most Wanted Person na may kasong Rape sa Bayan ng Laoac sa Pangasinan nitong Miyerkules, ika-11 ng Setyembre 2024.
Kinilala ang suspek na si alyas “Leo”, 21 taong gulang at residente ng Barangay Calaoagan, Laoac, Pangasinan.
Naaresto ang suspek bandang 12:10 ng umaga ng pinagsanib na mga operatiba ng Laoac Municipal Police Station, Regional Intelligence Division ng Police Regional Office 1 at Provincial Intelligence Unit ng Pangasinan Police Provincial Office.
Naaresto ang suspek sa bisa ng Warrant of Arrest dahil sa kasong Rape na walang inirekomendang piyansa.
Patuloy ang pinaigting na kampanya ng mga kapulisan laban sa mga masasamang elemento upang mabigyan ang mga mamamayan ng ligtas at payapang pamayanan.
Source: Laoac Municipal Police Station
Panulat ni PMSg Bader Ceasar Ayco
