Bangar, La Union – Arestado ang Top 1 Municipal Most Wanted Person sa ikinasang Manhunt Charlie Operation ng mga operatiba ng La Union Police Provincial Office nitong Biyernes ika-9 ng Disyembre 2022.
Kinilala ni Police Major Dominador Apostol II, Hepe ng Bangar Municipal Police Station, ang suspek na si alyas “Randolph”, 26, residente ng Brgy. Paratong no.3, Bangar, La Union.
Ayon kay PMaj Apostol, naaresto ang suspek sa bisa ng Warrant of Arrest sa kasong Rape kaugnay ng RA 7610 o Special Protection of Children Against Abuse, Exploitation and Discrimination Act na walang inirekomendang piyansa.
Ayon pa kay PMaj Apostol, naaresto ang suspek bandang 12:50 ng umaga sa kanyang tinitirhan ng mga operatiba ng Bangar Municipal Police Station at La Union Provincial Intelligence Unit.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Bangar Municipal Police Station
Panulat ni PSSg Bader Ceasar B. Ayco
