Arestado ang isang Top 1 Most Wanted Person sa Municipal Level sa kasong Statutory Rape sa isinagawang joint law enforcement operation ng mga awtoridad sa Barangay Kanim, Sibutad, Zamboanga del Norte nito lamang ika-6 ng Oktubre 2024.
Kinilala ni Police Captain Jilbert T Escobin, Officer-In-Charge ng Sibutad Municipal Police Station, ang naarestong suspek na si alyas “Don”, 60 anyos, lalaki at residente ng Purok 2, Barangay Magsaysay Sibutad, Zamboanga Del Norte.
Ang suspek ay nahaharap sa kasong Statutory Rape na walang inirekomendang piyansa.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
