Arestado ang isang Top 1 Most Wanted Person sa Municipal Level sa kasong Sexual Abuse sa isinagawang joint law enforcement operation ng Mutia Municipal Police Station kasama ang Oroquieta City Police Station sa Poblacion, Oroquita City nito lamang ika-10 ng Setyembre 2024.
Kinilala ni Police Captain Roel Llumanta Talaid, Officer-In-Charge, Mutia MPS, ang naarestong suspek na si alyas “Mar”, 19 anyos, lalaki at residente ng Purok 3 Totongon Mutia, Zamboanga del Norte.
Ang suspek ay nahaharap sa kasong Sexual Abuse na may inirekomendang piyansa na nagkakahalaga ng Php200,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng kanilang sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Pat Joyce Franco
