Arestado ang isang Top 1 Municipal Most Wanted Person sa kasong Robbery sa isinagawang operasyon ng Nueva Era PNP sa Brgy. 6, San Juan Bautista, San Nicolas, Ilocos Norte nito lamang Lunes, ika-24 ng Oktubre 2022.
Kinilala ni Police Major Reymar Remegio, Officer-In-Charge ng Nueva Era Municipal Police Station, ang suspek na si Rey Ramil y Tolentino, 43, at residente ng Brgy. 6, San Juan Bautista, San Nicolas, Ilocos Norte.
Ayon kay PMaj Remegio, bandang 6:00 ng gabi nang naaresto ang suspek na pinangunahan ng Nueva Era MPS, San Nicolas MPS, Provincial Intelligence Unit Ilocos Norte Police Provincial Office, 114 Special Action Force, 101st Regional Mobile Force Batallion, 2nd Provincial Mobile Force Company, Batac City Police Station, Pasuquin MPS.
Ayon pa kay PMaj Remegio, naaresto ang suspek sa bisa ng Warrant of Arrest sa kasong Robbery na may kaukulang piyansa na Php100,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Source: Nueva Era Municipal Police Station
Panulat ni Patrolman Joshua A Jimenez
