Arestado ang isang Top 1 Most Wanted Person sa Municipal Level sa kasong Rape sa isinagawang joint law enforcement operation ng Zamboanga City Police Station 8 kasama ang Banguingui Municipal Police Station at 101st Infantry Battalion, 11ID sa Barangay Luuk Poblacion, Tungkil, Sulu nito lamang ika-11 ng Nobyembre 2024.
Kinilala ni Police Major Jovanie G Julian, Station Commander ng Zamboanga City Police Station 8, ang naarestong suspek na si alyas “Jarne”, 38 anyos, lalaki at residente ng Purok 9 Barangay Luuk Poblacion, Tungkil, Sulu.
Ang suspek ay nahaharap sa kasong Rape na may inirekomendang piyansa na nagkakahalaga ng Php120,000.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad na isang Bagong Pilipinas.
Panulat ni Patrolwoman Joyce Franco
