Sta, Maria, Ilocos Sur – Naaresto ng pulisya ang Top 1 Municipal Most Wanted Person ng Sta. Maria, Ilocos Sur nito lamang November 16, 2022.
Kinilala ni Police Captain Joel Dasargo, Chief of Police ng Sta. Maria MPS, ang suspek na si alyas “Sadiri”, 24, at residente ng Brgy. Nagsayaoan, Sta. Maria, Ilocos Sur.
Ayon pa kay PCpt Dasargo, bandang 11:15 ng umaga naaresto ang suspek sa Brgy. Nagsayaoan, Sta. Maria, Ilocos Sur ng mga operatiba ng Sta. Maria MPS, kasama ang Ilocos Sur Provincial Intelligence Unit, Ilocos Sur Provincial Intelligence Detective and Management Unit, at 1st Ilocos Sur Provincial Mobile Force Company.
Ayon pa kay PCpt Dasargo, si Sadiri ay naaresto sa bisa ng Warrant of Arrest sa kasong paglabag sa Sec 5(B) of RA 7610 na may rekomendadong piyansa na Php400,000.
Ang tagumpay ng operasyon ay bunga ng magandang ugnayan at samahan ng mga kapulisan at mamamayan para mapanatiling ligtas ang komunidad sa anumang krimen.
Source: Sta. Maria Municipal Police Station, Ilocos Sur
Panulat ni Pat Dennis P Carinal
