Santa Maria, Ilocos Sur – Arestado ang isang Top 1 Municipal Most Wanted Person sa kasong panggagahasa ng Santa Maria PNP sa Brgy. Pacang, Sta. Maria, Ilocos Sur nito lamang Miyekules, ika-5 ng Oktubre 2022.
Kinilala ni Police Captain Joel P Dasargo, Chief of Police, ang suspect na si Celestino Doquillo y Cotillon, 50, residente ng Brgy. Pacang, Sta. Maria, Ilocos Sur.
Ayon kay PCpt Dasargo, naaresto ang suspek bandang 1:20 ng hapon ng mga operatiba ng Santa Maria Municipal Police Station (lead unit), Ilocos Sur Provincial Intelligence Unit, Ilocos Sur Provincial Investigation and Detection Management Unit at 1st Ilocos Sur Provincial Mobile Force Company.
Ayon pa kay PCpt Dasargo, naaresto ang suspek sa bisa ng Warrant of Arrest sa kasong paglabag sa Republic Act 8353 o “The Anti-Rape Law of 1997” na walang inirekomendang piyansa.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: Santa Maria MPS
Panulat ni PSSg Lhenee B Valerio
