San Juan, La Union – Arestado ang isang Top 1 Municipal Most Wanted Person sa kasong Estafa sa isinagawang operasyon ng San Juan PNP sa Brgy. Ili Sur, San Juan, La Union nito lamang Lunes, ika-10 ng Oktubre 2022.
Kinilala ni Police Major Napoleon Lango, Officer-In-Charge ng San Juan Police Station, ang suspek na si Maribeth Vergara y Saguan, 50, at residente ng Barangay Urbiztondo, San Juan, La Union.
Ayon kay PMaj Lango, bandang 6:25 ng umaga nang naaresto ang suspek ng pinagsanib pwersa ng San Juan Police Station, Regional Intelligence Division PRO 1, Regional Intelligence Unit 1, La Union Provincial Intelligence Unit, Provincial Highway Patrol Team La Union at Provincial Intelligence Unit ng Benguet.
Dagdag pa ni PMaj Lango, naaresto ang suspek sa bisa ng Warrant of Arrest sa kasong Estafa na may kaukulang piyansa na Php72,000.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Source: San Juan Police Station
Panulat ni Patrolman Joshua A Jimenez
