Burgos, La Union – Arestado ang Top 1 Municipal Most Wanted Person sa isinagawang Manhunt Operation ng PNP sa Brgy. Delles, Burgos, La Union nito lamang Biyernes, ika-28 ng Oktubre taong kasalukuyan.
Kinilala ni Police Major Crispin Simon Jr., Chief of Police ng Burgos PNP ang suspek na si Obrenio Suerte y Ngoyngoy, 35, walang asawa, laborer, at residente ng Brgy. Delles, Burgos, La Union.
Ayon kay Police Major Simon Jr., naaresto ang suspek sa kanyang tahanan sa nasabing barangay ng Burgos, La Union.
Ayon pa kay Police Major Simon Jr., timbog ang suspek sa mga operatiba ng Burgos PNP bilang lead unit, Naguilian PNP, 2nd La Union Provincial Mobile Force Company, at Regional Mobile Force Company 1.
Nahaharap ang suspek sa kasong Rape na walang rekomendadong piyansa.
Ang operasyon ng PRO 1 ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: Burgos Municipal Police Station
Panulat ni Pat. Viljon Anthony A. Comilang
