Urdaneta City, Pangasinan – Arestado ng Pozorrubio PNP ang Top 1 Municipal Most Wanted Person sa kasong Rape sa Brgy. Anonas, Urdaneta City, Pangasinan nito lamang Linggo, ika-27 ng Nobyembre 2022.
Kinilala ni Police Major Zynon Paiking, Officer-In-Charge ng Pozorrubio Municipal Police Station, ang suspek na si alyas “Lorenzo”, 43, at residente ng Brgy. Dilan, Pozorrubio, Pangasinan.
Ayon kay PMaj Paiking, bandang 1:43 ng tanghali ng naaresto ang suspek ng mga operatiba ng Pozorrubio Municipal Police Station katuwang ang 2nd Provincial Mobile Force Company.
Ayon pa kay PMaj Paiking, naaresto ang suspek sa bisa ng Warrant of Arrest sa kasong rape at walang rekomendadong piyansa.
Ang tagumpay ng operasyon ay bunga ng magandang ugnayan at samahan ng mga kapulisan at mga mamamayan para mapanatiling ligtas ang komunidad.
Source: Pozorrubio Municipal Police Station
