Ilocos Norte – Arestado ng Pasuquin PNP ang Top 1 Municipal Most Wanted Person sa kasong 17 Counts of Estafa through Falsification of Commercial Document sa Brgy. Susugaen, Pasuquin, Ilocos Norte nito lamang Miyerkules, ika-31 ng Mayo 2023.
Kinilala ni Police Major Julius Basallo, Hepe ng Pasuquin Municipal Police Station, ang suspek na si Rodrigo Dancel y Failano, 55, residente ng Brgy. Susugaen, Pasuquin, Ilocos Norte.
Ayon kay PMaj Basallo, bandang 09:00 ng umaga isinagawa ang operasyon na pinangunahan ng mga operatiba ng Pasuquin Municipal Police Station, katuwang ang Provincial Intelligence Unit-INPPO, TMRU Cluster 2, Regional Intelligence Division PRO1 at Nueva Era Municipal Police Station.
Ayon pa kay PMaj Basallo, naaresto ang suspect sa bisa ng Warrant of Arrest na may rekomendadong piyansa na Php36,000 kada isa at may kabuuang piyansa na Php612,000.
Ang operasyon ng Pasuquin PNP ay naging matagumpay sa patuloy na pakikipagtulungan ng mamamayan sa pagpapaigting ng kampanya laban sa mga taong may pananagutan sa batas.
Source: Pasuquin MPS
Panulat ni PSSg Lhenee Bulanday Valerio
