Walang takas ang Top 1 Municipal Most Wanted Person na may kasong Rape matapos maaresto ng mga tauhan ng Rosario Municipal Police Station sa Brgy. Sta. Rita, Allen, Northern Samar nito lamang Nobyembre 29, 2023.
Kinilala ni Police Major Noel Unay, Officer-In-Charge ng Rosario MPS, ang naaresto na si Albert, nasa hustong gulay at residente sa naturang lugar.
Naaresto ang akusado bandang 11:10 ng gabi ng mga tauhan ng Rosario MPS sa bisa ng Warrant of Arrest para sa kasong Rape na walang inirekomendang piyansa.
Samantala, patuloy pa rin ang kapulisan sa pagsulong ng kampanya laban sa kriminalidad upang mas mapagtibay pa ang pundasyon ng isang ligtas at maayos na lipunan.
