Arestado ang Top 1 Municipal Most Wanted Person ng mga operatiba ng Malalag Municipal Police Station sa Purok 1, Barangay Ibo, Malalag, Davao del Sur nito lamang umaga ng Lunes, ika-30 ng Setyembre 2024.
Kinilala ni Police Captain Diosdado S Niones II, Officer-In-Charge ng Malalag MPS, ang suspek na si alyas “Rogen”, 26 anyos, isang manggagawa at residente ng naturang lugar.
Ang suspek ay naaresto sa bisa ng Warrant of Arrest na inihain ng nasabing istasyon katuwang ang 1st Davao del Sur Provincial Mobile Force Company.
Mahaharap sa kasong Sexual Assault kaugnay sa Section 5(B) ng Republic Act 7610 na may piyansang Php200,000 ang suspek.
Patuloy naman ang operasyon ng mga tauhan ng Police Regional Office 11 upang hulihin at ilagay sa likod ng rehas ang mga taong may atraso sa batas.
Panulat ni Patrolwoman Shairra Rose A Aquino
