Northern Samar – Arestado ng mga tauhan ng Capul Municipal Police Station ang Top 1 Municipal Most Wanted Person na may kasong 2 Counts of Statutory Rape sa Sitio Dungan, Brgy. Tabon, Mabalacat, Pampanga noong Setyembre 22, 2022.
Kinilala ni Police Lieutenant Glecerio L Timan, Officer-In-Charge ng Capul MPS, ang naaresto na si alyas “Mel”, 47, construction worker at residente ng Capul, Northern Samar.
Ayon kay PLt Timan, dahil sa masusing imbestigasyon, operational research, surveillance at monitoring ay naaresto ang Top 1 Most Wanted ng Capul pagkatapos ng labing siyam na taong pagtatago sa batas.
Nahaharap ang suspek sa krimeng Statutory Rape (2 counts) na walang inirekomendang piyansa sa kaniyang pansamantalang kalayaan.
Mensahe ni PLt Timan, “Ang ating puwersa ng Pulisya ay patuloy na maghahanap ng mga wanted person, sa loob o kahit sa labas ng lalawigan”.
Pinupuri rin niya ang mga operating team sa kanilang walang humpay na pagsisikap na patuloy na ilagay ang mga kriminal sa likod ng mga rehas at puksain ang lahat ng uri ng krimen sa buong munisipalidad ng Capul sa tulong ng mamamayan nito.
Source: Capul Municipal Police Station
