Cabugao, Ilocos Sur – Arestado ang isang Top 1 Municipal Most Wanted Person sa kasong Panggagahasa ng Cabugao PNP sa Brgy. Bannuar, San Juan, Ilocos Sur nito lamang Biyernes, ika-4 ng Nobyembre 2022.
Kinilala ni Police Major Christopher Ramat, Chief of Police ng San Juan Municipal Police Station, ang suspect na si Jessie Aguilar y Blas, 30, residente ng Brgy. Bacsil, San Juan, Ilocos Sur.
Ayon kay PMaj Ramat, naaresto ang suspek bandang 1:30 ng hapon ng mga operatiba ng San Juan Municipal Police Station (lead Unit), Ilocos Sur Provincial Mobile Force Company 3rd Platoon, Provincial Intelligence Unit at Provincial Intelligence & Detective Management Unit Ilocos Sur.
Ayon pa kay PMaj Ramat, naaresto ang suspek sa bisa ng Warrant of Arrest sa kasong Panggagahasa o Republic Act No. 8353 (Anti-Rape Law) na walang kaukulang piyansa.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: San Juan MPS
Panulat ni PSSg Lhenee B Valerio
