Pangasinan – Arestado ng Balungao PNP ang Top 1 Municipal Most Wanted Person sa kasong Qualified Rape sa Brgy. Coliling, Rosales, Pangasinan nito lamang Miyerkules, ika-24 ng Mayo 2023.
Kinilala ni Police Major Jimmy Paningbatan, Officer-In-Charge ng Balungao Municipal Police Station, ang suspek na si Rogelio P Bautista Jr, 42, at residente ng Brgy. Coliling, Rosales, Pangasinan.
Ayon kay PMaj Paningbatan, naaresto ang suspek sa bisa ng Warrant of Arrest sa kasong Qualified Rape na walang rekomendadong piyansa.
Ang Balungao PNP ay patuloy sa pagsasagawa ng operasyon laban sa mga taong may pananagutan sa batas para mapanatiling ligtas, tahimik at maayos ang komunidad.
Source: Balungao, Municipal Police Station
Panulat ni Patrolman Dennis P Carinal
