Benguet – Arestado ang isang tinaguriang Top 1 Municipal Most Wanted Person sa isinasagawang Manhunt Operation ng Alcala Municipal Police Station sa Barangay Madaymen, Kibungan, Benguet nito lamang Linggo, ika-9 ng Abril 2023.
Kinilala ni Police Lieutenant Colonel Benjamin Zarate Jr., Hepe ng Alcala PNP, ang suspek na si Ampoon Jobert y Filipinas, 18, at residente sa Barangay San Juan, Alcala, Pangasinan.
Ayon kay PLtCol Zarate, inaresto ang suspek katuwang ang Kibungan MPS, at La Trinidad sa isinagawang operasyon sa bisa ng Warrant of Arrest sa kasong 2 Counts of Statutory Rape at walang inirekomendang piyansa.
Patuloy naman ang Alcala PNP sa pagsisiguro ng katahimikan upang mapanatiling ligtas, tahimik at maayos ang ating komunidad.
Panulat ni PSSg Marvin Jake Romero
