Santiago City – Naaresto ang Top 1 Most Wanted Person sa Manhunt Charlie ng mga tauhan ng Santiago City Police Office noong Miyerkules, Marso 2, 2022.
Kinilala ni Police Colonel Reynaldo Dela Cruz, City Director ng Santiago City Police Office, ang naarestong suspek na si Alyas Johnny, 24, walang asawa, residente ng Purok 1, Naggasican, Santiago City, Isabela.
Ayon kay Police Colonel Dela Cruz, bandang 11:30 ng umaga naaresto ang suspek sa Barangay Batal, Santiago City, Isabela sa pinagsanib na puwersa ng Traffic Enforcement Unit, Precinct 1 at Santiago CPO.
Ayon pa kay Police Colonel Dela Cruz, naaresto ang suspek sa bisa ng Warrant of Arrest para sa kasong Rape (4 counts) na inilabas ni Hon. Nicasio Brillantes Bautista lll ng Regional Trial Court, Branch 21, Santiago City at walang inirekomendang piyansa.
Tiniyak ni Police Colonel Dela Cruz na hindi titigil ang mga kapulisan ng Santiago City sa kanilang kampanya laban sa kriminalidad upang mabigyan ng payapa at ligtas na komunidad ang mga Santiagueno.
###
Panulat ni PSSg Mary Joy D Reyes, RPCADU2
