Naaresto ng mga tauhan ng San Jacinto Police Station ang Top 1 Most Wanted Person sa Municipal Level sa Barangay San Guillermo, San Jacinto, Pangasinan bandang alas-8:27 ng umaga noong Mayo 29, 2025.
Kinilala ni Police Major Napoleon R Velasco Jr, Hepe ng San Jacinto PNP ang suspek sa alyas na “Juan”, 35 taong gulang, isang driver at residente ng Barangay San Vicente, San Jacinto.
Inaresto siya sa bisa ng Warrant of Arrest para sa kasong Statutory Rape kung saan walang inirekomendang piyansa.
Matapos ang pagkakaaresto, dinala ang suspek sa custodial facility ng San Jacinto Police Station habang hinihintay ang kanyang commitment sa Bureau of Jail Management and Penology (BJMP) sa Dagupan City.
Patuloy ang paalala ng pulisya sa publiko na makipagtulungan sa mga awtoridad upang mahuli ang iba pang pinaghahanap na kriminal sa kanilang nasasakupan.
Source: San Jacinto Police Station
