Ilocos Norte – Arestado ng Police Regional Office 1 ang Top 1 Most Wanted Person (Provincial Level) sa kasong 19 Counts of Rape sa isinagawang Oplan Kalinaw Reloaded nito lamang Lunes, ika-11 ng Hunyo 2022.
Kinilala ni Police Lieutenant Cheryll B Cacayorin, Officer-in-Charge ng Carasi Municipal Police Station, ang suspek na si Rodrigo Rafael Jr., alyas “Jay-ar Rafael”, legal age, may-asawa, walang trabaho, tubong Brgy. Barbaquezo, Carasi, Ilocos Norte.
Ayon kay PLt Cacayorin, bandang alas 8:00 ng umaga nang naaresto ang suspek sa Sitio 4, Vanguard, Area D, Brgy. 178 Camarin, Caloocan City ng pinagsanib na puwersa ng Banna Municipal Police Station, Provincial Intelligence Unit Ilocos Norte Police Provincial Office, CIDG Ilocos Norte at Regional Intelligence Division PRO1.
Dagdag pa ni PLt Cacayorin, naaresto ang suspek sa bisa ng Warrant of Arrest sa kasong Rape (19 counts) na walang inirekomendang piyansa.
Ito ay nagpapakita lamang na maayos at matiwasay na ginagampanan ng mga kapulisan ang kanilang trabaho sa kanilang nasasakupan.
Source: Carasi MPS
###
Panulat ni PSSg Lhenee B Valerio
