San Remigio, Antique – Kalaboso ang isang lalaki na Top 1 Most Wanted Person sa kasong murder sa isinagawang Manhunt Charlie ng PNP sa bayan ng San Remigio, Antique nitong ika-20 ng Hulyo 2022.
Kinilala ni Police Captain Geremy Ian R Magbanua, Acting Chief of Police ng San Remigio Municipal Police Station, ang suspek na si Jeorge Rufino y Felix, 72, may asawa at residente ng Barangay Carawisan ng parehong bayan.
Naging matagumpay ang naturang operasyon sa pinagsamang operatiba ng San Remigio MPS katuwang ang Criminal Investigation and Detection Group Antique Provincial Filed Unit; 602nd Company, Regional Mobile Force Battalion 6 at ng Antique Provincial Intelligence Unit (PIU).
Ayon kay Police Captain Magbanua, ang suspek ay inaresto sa bisa ng Warrant of Arrest sa kasong murder na may Criminal Case Number na 2022-06-10198.
Ayon pa kay Police Captain Magbanua, lumalabas din sa imbestigasyon na ang suspek ay miyembro ng “Ontong Group”, sa ilalim ng IR No. CIDGANTPFU 02-001-2021, na kabilang sa Gun for Hire, Gun Running Extortion at mga insidente ng rape sa Bugasong, Valderrama at sa iba pang mga bayan sa Antique.
Sinisiguro naman ni Police Captain Magbanua ang mga residente ng San Remigio na hindi sila titigil sa pagtugis ng mga wanted person hangga’t may mga nagtatago pa sa batas sa kanilang Area of Responsibility.
###
