San Jacinto, Pangasinan – Arestado ng mga operatiba ng PNP ang isang Top 1 Most Wanted Person ng San Jacinto, Pangasinan, nito lang Martes, ika-30 ng Agosto 2022.
Kinilala ni Police Major Jordan C Tomas, Chief of Police ng San Jacinto MPS, ang suspek na si Edgardo Pasaron y Abril, 27, residente sa Brgy. San Vicente, San Jacinto, Pangasinan.
Ayon pa kay Police Major Tomas, bandang 6:00 ng umaga naaresto ang suspek sa Brgy. San Vicente, San Jacinto, Pangasinan, ng mga operatiba ng San Jacinto MPS sa pangunguna ni Police Major Jordan C Tomas, kasama ang Pozorrubio MPS, Provincial Intelligence Unit Pangasinan PPO, 104th Maneuver Company Regional Mobile Force Battalion 1.
Ayon pa kay Police Major Tomas, ang suspek ay naaresto sa bisa ng Warrant of Arrest sa kasong 2 Counts ng Rape at walang rekomendadong piyansa.
Ang tagumpay na operasyon ay bunga ng magandang ugnayan at samahan ng mga kapulisan para mapanatiling ligtas ang komunidad sa anumang uri ng krimen.
Source: San Jacinto, Municipal Police Station, Pangasinan
