Calapan City, Oriental Mindoro – Timbog ang isang Top 1 Most Wanted Person ng MIMAROPA sa isinagawang operasyon ng Naujan Municipal Police Station sa harap ng Grand West Side Hotel, Bay Blvd, Bagong Nayong Pilipino, Parañaque City noong ika-1 ng Disyembre 2022.
Kinilala ni Police Brigadier General Sidney Hernia, Regional Director ng PRO MIMAROPA, ang suspek na si alyas “Odel”, 19, residente ng Sitio Bacoron, Barangay Apitong, Naujan, Oriental Mindoro.
Ayon kay PBGen Hernia, naaresto ang suspek sa isinagawang operasyon ng pinagsanib na puwersa ng mga tauhan ng Naujan MPS, Regional Anti-Cyber Crime Unit MIMAROPA at Coast Guard Station Oriental Mindoro.
Ayon pa kay PBGen Hernia, naaresto ang suspek sa bisa ng Warrant of Arrest sa kasong Grave Coercion in relation to RA 7610 o ang An Act Providing for Stronger Deterrence and Special Protection Against Child Abuse, Exploitation and Discrimination and for other Purposes na may kaukulang piyansa na Php36,000; two (2) counts of Robbery with Violence Against or Intimidation of Persons (RPC Art. 294) in relation to RA 7610 na may kaukulang piyansa na Php100,000 kada isa; 11 counts of Acts of Lasciviousness in relation to RA 7610 na may kaukulang piyansa na Php108,000 kada isa; 11 counts of Anti-Child Pornography Act of 2009 (RA 9775) in relation to RA 10175 o ang Cyber Crime Prevention Act of 2012 na may kaukulang piyansa na Php200,000 kada isa.
“Ang matagumpay na pag-aresto sa nasabing Most Wanted Person ay sumasalamin sa aming pangako na panatilihing ligtas at secure ang aming komunidad sa pamamagitan ng paghabol sa mga taong pinaghahanap ng batas. Kaya naman, pinupuri ko ang aming mga operating unit sa kapuri-puri na tagumpay na ito,” ani ni PBGen Hernia.
Source: Police Rigional Office Mimaropa
Panulat ni Patrolman Erwin Calaus
