Tanza, Cavite – Naaresto ang Top 1 Most Wanted Person ng Cavite sa Manhunt Operation ng mga pulisya ng Cavite noong Marso 11, 2022.
Kinilala ni Police Lieutenant Colonel Gerry Laylo, Officer-in-Charge ng Tanza Municipal Police Station ang suspek na si Julito Dacles, Jr. y Obiena, 42, farmer, residente ng Torres Compound Brgy. Santol, Tanza, Cavite.
Ayon kay Police Lieutenant Colonel Laylo, bandang 10:15 ng umaga naaresto si Dacles, Jr. sa nasabing barangay ng pinagsanib na puwersa ng Tanza Municipal Police Station, Provincial Intelligence Team Cavite, Regional Intelligence Unit 4A at Regional Intelligence Division 4A-Regional Intelligence Team Cavite/Regional Support Operation Unit.
Ayon pa kay Police Lieutenant Colonel Laylo, naaresto si Dacles, Jr. sa bisa ng Warrant of Arrest para sa kasong Murder na may Criminal Case No. 04-0201 na nilagdaan ni Hon. Rosario B. Bandal, Presiding Judge, Regional Trial Court, 8th Judicial Region, Branch 41 sa Gandara, Samar noong Pebrero 22, 2005 na walang nirekomendang piyansa.
Samantala, pinapurihan ni Police Lieutenant Colonel Laylo ang Tanza Municipal Police Station para sa walang humpay na pagsusumikap at sa suporta na din ng komunidad ng Tanza sa Pambansang Pulisya para sa kampanya laban sa anumang krimen lalo na sa mga wanted person at may pananagutan sa batas.
###
Police Executive Master Sergeant Joe Peter Cabugon, RPCADU 4A
