Alfonso, Cavite – Arestado ang Top 1 Most Wanted Person (Regional Level) ng Calaca PNP at RMFB 4A sa kasong Rape nito lamang Huwebes, May 19, 2022.
Kinilala ni Police Brigadier General Antonio Yarra, Regional Director ng Police Regional Office 4A, ang suspek na si Florencio Mejica Mugas Jr, 59, residente ng Felix St. B13 L4 Katarungan Village, Muntinlupa City.
Ayon kay PBGen Yarra, bandang 10:30 ng gabi naaresto si Mugas sa Brgy. Amuyong, Alfonso, Cavite sa isinagawang joint operation ng Calaca Municipal Police Station at Regional Mobile Force Battalion 4A sa bisa ng Warrant of Arrest sa kasong Rape (5 counts) na walang nirekomendang piyansa.
“Ang Batangas PNP ay walang humpay sa paglulunsad ng mga operasyon laban sa mga kriminal na gaya nito, na ilang taon ding nakapagtago sa batas. Hindi po kami tumitigil na bigyan kayo ng isang maayos at payapang komunidad. Tuloy-tuloy lang po kami sa paglilingkod at pagseserbisyo ng Tama, Tapat, Tapang at may Malasakit para sa Sambayanang Pilipino”, ani ni PBGen Yarra.
Source: Batangas Police Provincial Office-PIO
###
Panulat ni Police Executive Master Sergeant Elvis Arellano
