Bongao, Tawi-Tawi – Naaresto ng mga tauhan ng PNP ang Top 10 Most Wanted Person ng Bongao, Tawi-Tawi sa isinagawang operasyon sa Brgy. Sikullis, Languyan, Tawi-Tawi noong ika-26 ng Agosto 2022.
Kinilala ni Police Lieutenant Lloyd Engo, ang naarestong suspek na si Akin Napii na naaresto sa bisa ng Warrant of Arrest dahil sa kasong Murder at Double Frustrated Murder.
Ayon kay PLt Engo, ang nasabing operasyon ay pinangunahan ng 51st Special Action Company ng Special Action Force katuwang ang Tawi -Tawi Provincial Mobile Force Company, 1st Special Operations Unit-Maritime Group, Provincial Intelligence Unit – Tawi-Tawi PPO, Bongao Municipal Police Station, Languyan MPS, Anti-Kidnapping Group-Mindanao Field Unit at National Intelligence Coordinating Agency-9.
Ang PNP ay hindi titigil sa pagsasagawa ng operasyon laban sa mga wanted person upang mapanagot sa kanilang mga kasalanan at mabigyang hustisya ang mga naging biktima ng mga ito at upang mapanatili ang kapayapaan sa ating bansa.
###
Panulat ni Patrolman Charlie Nasroden Corpuz
