Rizal, Occidental Mindoro – Timbog ang isang Top 1 Most Wanted Person sa kasong rape at Acts of Lasciviousness sa isinagawang operasyon ng Rizal Municipal Police Station sa Brgy. Magbay, San Jose, Occidental Mindoro noong Oktubre 1, 2022.
Kinilala ni Police Colonel Jun Dexter Danao, Officer-In-Charge ng Occidental Mindoro Police Provincial Office, ang suspek na si alyas “Marvin”, 35, residente ng Purok 7, Brgy. Magbay, San Jose, Occidental Mindoro at tinaguriang Top 2 Most Wanted Person sa probinsya ng Occidental Mindoro.
Ayon kay PCol Danao, naaresto ang suspek bandang 2:20 ng hapon sa isinagawang operasyon ng pinagsanib na puwersa ng mga tauhan ng Rizal MPS, Regional Intelligence Unit 4B at 405th B Maneuver Company Regional Mobile Force Battalion.
Ayon pa kay PCol Danao, naaresto ang suspek sa bisa ng Warrant of Arrest sa kasong Rape na walang kaukulang piyansa at Acts of Lasciviousness na may kaukulang piyansa na Php36,000.
Ang pag-aresto ay alinsunod sa direktiba ng Officer-In-Charge ng Occidental Mindoro Police Provincial Office na si Police Colonel Jun Dexter Danao na lalo pang paigtingin ang pagsugpo ng kriminalidad at pagdakip sa lahat ng may mga pananagutan sa batas. Ito ay upang siguruhin ang kaligtasan ng mamamayan ng lalawigan ng Occidental Mindoro.
Source: Occidental Mindoro PPO
Panulat ni Patrolman Erwin Calaus