Pangasinan – Arestado ng Malasiqui PNP ang Top 1 Most Wanted Person sa kasong Murder sa San Carlos, Pangasinan nito lamang ika-22 ng Mayo 2023.
Kinilala ni Police Lieutenant Colonel Luis Ventura Jr., Hepe ng Malasiqui Municipal Police Station, ang suspek na si Kevin Ballesteros y Dela Cruz, 38, residente ng Brgy. Aliaga, Malasiqui, Pangasinan.
Ayon kay Police Lieutenant Colonel Ventura Jr., naaresto ang suspek bandang 11:00 ng umaga ng mga operatiba ng Malasiqui MPS sa bisa ng Warrant of Arrest na walang rekomendadong piyansa.
Patuloy ang pagganap ng tungkulin ng kapulisan ng Malasiqui MPS at pagtugis sa mga may pananagutan sa batas para mapanatili ang katahimikan at kaayusan sa kanilang nasasakupan.
Source: Malasiqui MPS
Panulat ni PSSg Lhenee Bulanday Valerio
