San Fernando City, La Union – Arestado ng La Union PNP ang Top 1 Most Wanted Person (City Level) sa kasong Falsification of Public Documents sa Brgy. Lingsat, San Fernando City, La Union nito lamang Biyernes, ika-26 ng Agosto 2022.
Kinilala ni Police Lieutenant Colonel Fernando G Acain Jr., Hepe ng San Fernando City Police Station, ang suspek na si Gina Acidre y Sanchez, 54, residente ng #46 Beach Homes III, Lingsat, San Fernando City, La Union.
Ayon kay PLtCol Acain Jr, nahuli ang suspek bandang 03:25 ng hapon ng mga operatiba ng San Fernando CPS katuwang ang 1st La Union Provincial Mobile Force Company, Regional Intelligence Division 1, La Union Provincial Intelligence Unit, Regional Mobile Force Battalion 1.
Ayon pa kay PLtCol Acain, si Sanchez ay nahuli sa bisa ng Warrant of Arrest sa kasong Falsification of Public Documents na walang rekomendadong piyansa.
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas, tahimik at maayos ang komunidad.
Source: San Fernando, Municipal Police Station, La Union
###
Panulat ni Patrolman Dennis P Carinal
