Davao Oriental – Arestado ang isang lalaki sa isinagawang buy-bust operation ng PNP at PDEA sa Phase 8, Martinez Subdivision, Brgy. Dahican, Mati City, Davao Oriental, noong Oktubre 13, 2022.
Kinilala ni PLtCol Ernesto Gregore, Chief of Police ng Mati City Police Station, ang suspek na si alyas “Art”, 37, residente ng nasabing lugar na tinaguriang Top 1 High Value Individual sa provincial priority.
Ayon kay PLtCol Gregore, naaresto ang suspek matapos mahuli sa akto ng pagbebenta ng hinihinalang shabu sa nagpanggap na poseur buyer na tauhan ng Mati CPS kasama ang Regional Police Drug Enforcement Unit 11 at Regional Intelligence Unit XI katuwang ang PDEA.
Dagdag pa ni PLtCol Gregore, nakuha mula sa suspek ang ilang pakete ng hinihinalang shabu at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek ay maglalapit sa layunin ng Police Regional Office 11 na gawing drug-free ang rehiyon onse at sa malasakit na ipinapakita ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
