Cavite – Arestado ang Top 1 City Most Wanted Person sa kasong Robbery sa ikinasang operasyon ng Dasmariñas PNP sa Brgy. San Luis 1, Dasmariñas City, Cavite nito lamang Miyerkules, Enero 11, 2023.
Kinilala ni Police Lieutenant Colonel Juan Oruga Jr, Officer-In-Charge ng Dasmariñas City Police Station, ang suspek na si alyas “Bjay”, 22, construction worker, residente ng Blk C Lot 10, Brgy. San Luis 1, Dasmariñas City, Cavite.
Ayon kay PLtCol Oruga Jr., bandang 2:10 ng hapon naaresto ang suspek sa naturang barangay ng mga tauhan ng Dasmariñas City Police Station sa bisa ng Warrant of Arrest para sa kasong Robbery (2 counts) na may rekomendasyong piyansa na Php200,000.
Ang tagumpay ng Dasmariñas PNP laban sa pagsugpo ng may pagkakasala sa batas at anumang krimen ay bunga ng pinaigting na pakikipagtulungan at suporta ng mamamayan upang mapanatili na ligtas at maayos ang komunidad.
Panulat ni PEMS Joe Peter Cabugon/RPCADU4A
