Tiklo ang Top 1 City Most Wanted Person sa ikinasang operasyon ng mga otoridad sa Ecoland, Davao City nito lamang Nobyembre 5, 2024.
Kinilala ni Police Major Vincent Ignacio Follante, Acting Station Commander ng Tugbok Police Station, ang suspek na si alyas “Alex”, 50 anyos at residente ng Purok 1, Sampaguita St., Barangay Mintal, Tugbok District, Davao City.
Inaresto ang suspek sa bisa ng Warrant of Arrest sa kasong 4 Counts ng Qualified Statutory Rape.
Samantala, tuloy-tuloy ang mga isinasagawang operasyon ng mga tauhan ng Police Regional Office 11 upang mapanagot ang lahat ng lumalabag sa batas sa rehiyon. Ang pagsisikap na ito ay naglalayong mapanatili ang kaayusan tungo sa kaunlaran.
Panulat ni Patrolwoman Shairra Rose A Aquino
