Dagupan City, Pangasinan – Arestado ang isang Top 1 City Most Wanted Person sa kasong Carnapping ng Dagupan PNP nito lamang Martes, ika-18 ng Oktubre 2022.
Kinilala ni Police Lieutenant Colonel Vicente Castor Jr, Officer-In-Charge ng Dagupan City Police Station, ang suspect na si Mark Martinez, 26, residente ng Lucao District, Dagupan City, Pangasinan.
Ayon kay PLtCol Castor Jr, naaresto ang suspek bandang 5:46 ng hapon sa Brgy. Nalsian, Calasiao, Pangasinan ng mga operatiba ng Dagupan City Police Station.
Ayon pa kay PLtCol Castor Jr, naaresto ang suspek sa bisa ng Warrant of Arrest sa kasong Carnapping o Republic Act No. 10883 o “New Anti-Carnapping Act of 2016” na may kaukulang piyansa na Php300,000.
Ang pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin para mapanatili ang kaayusan at kapayapaan sa lugar.
Source: Dagupan CPS
Panulat ni PSSg Lhenee B Valerio
