Timbog ang isang lalaki sa isinagawang buy-bust operation ng Bunawan PNP sa Purok Capricorn, Barangay Lasang, Bunawan District, Davao City, noong Pebrero 14, 2024.
Kinilala ni Police Major Jake C Goles, Acting Station Commander ng Bunawan PNP ang suspek na si alyas “Boss”, 40 anyos, binata, driver, residente ng RTU Grand Village, Apokon, Tagum City at tinaguriang Top 1 City Level High Value Individual.
Ayon kay PMaj Goles, naaresto ang suspek sa pinagsanib na operatiba ng Special Drug Enforcement Team ng Bunawan Police Station, Davao City Police Office at Philippine Drug Enforcement Unit XI.
Dagdag pa ni PMaj Goles, narekober mula sa suspek ang ilang pakete ng hinihinalang shabu na may bigat na humigit kumulang 10 na gramo na may standard drug price na Php68,000; marked money; at iba pang gamit na nakumpiska sa nasabing operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Samantala, ang laban kontra ilegal na droga ay patuloy na pinapaigting ng Police Regional Office 11 sa ilalim ng pamumuno ni Regional Director Police Brigadier General Alden B Delvo alinsunod sa kampanya ng programang Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Pat Elhynn Joy G Pagsugiron
