Davao City – Patay ang isang indibidwal matapos manlaban sa isinagawang buy-bust operation ng Sasa PNP sa Alegria Road, Barangay Angliongto, Davao City, noong Enero 22, 2023.
Kinilala ni Police Major Jake Goles, Station Commander ng Sasa Police Station, ang suspek na si alyas “Nonat”, 30, residente ng Isla Verde, Brgy. 23-C, Davao City na tinaguriang Top 1 High Value Individual sa City level.
Ayon kay PMaj Goles, napatay ang suspek matapos manlaban sa isinagawang buy-bust operation ng Sasa PS katuwang ang Davao City Maritime Police Station.
Dagdag pa ni PMaj Goles, nakuha mula sa suspek ang ilang pakete ng hinihinalang shabu na may bigat na humigit kumulang na 4 gramo na may street market value na Php64,000 at isang caliber .38 kasama ang marked money na ginamit sa operasyon.
Ang suspek ay agad na isinugod sa Southern Philippines Medical Center (SPMC), Bajada, Davao City at idineklarang Dead on Arrival.
Ang Police Regional Office 11 ay hindi titigil sa kanilang mga operasyon kontral ilegal na droga sa lungsod upang makamit nila ang kanilang layunin na gawing drug-free ang rehiyon onse.
Panulat ni Patrolman Alfred Vergara
