Arestado ang Top 1 City Drug Personality na nagresulta sa pagkakasabat ng tinatayang Php365,228 halaga ng shabu sa ikinasang operasyon ng mga awtoridad sa Purok 17 Bless, Barangay Bago Aplaya, Davao City nito lamang ika-14 ng Hulyo 2024.
Kinilala ni Police Major Harold S Untalan, Acting Station Commander ng Baliok Police Station, ang suspek na si alyas “Brad”, 29 anyos at residente ng NHA, Maa, Davao City.
Narekober mula sa suspek ang humigit kumulang 53.71 gramo ng hinihinalang shabu na may Standard Drug Price na Php365,228, hinihinalang cocaine na humigit kumulang 4.61 gramo, 502.89 gramo ng hinihinalang dahon ng marijuana at apat na bloke ng hinihinalang dahon ng marijuana na may bigat na humigit kumulang isang kilo bawat isa at 11 piraso ng hinihinalang marijuana vape.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Samantala, ang pamahalaan at PNP ay nakatuon sa kampanya laban sa ilegal na droga at kriminalidad sa tulong, pakikipagtulungan at suporta ng komunidad na may iisang hangarin para sa isang mapayapang bansa.
