Arestado ang isang tokhang surrenderer sa drug buy-bust operation ng Iloilo City Police Station 1 sa Barangay Rizal Pala-Pala 2, City Proper nito lang ika-28 ng Mayo 2024.
Ayon kay Police Captain Roque Gimeno III, hepe ng Iloilo City PS1, isang buwan na minonitor ng pulisya ang ilegal na aktibidad ng suspek na siyang pumalit sa mga durugista na nadakip na noon sa drug buy-bust operations.
Kinilala ang suspek na si alyas “Nonoy”, 28 anyos, itinuturing na isang High Value Individual at nakatira sa nasabing lugar.
Nakumpiska mula sa suspek ang 15 sachet ng hinihinalang shabu na may Standard Drug Price na Php400,000.
Ang suspek ay mahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Layunin ng kapulisan ng Iloilo City na sugpuin ang ilegal na droga sa syudad upang maprotektahan ang publiko sa anumang uri ng krimen tungo sa mas maunlad na pamayanan.
Source: Aksyon Radyo Iloilo 720
Panulat ni Pat Ryza Valencia
