San Manuel, Tarlac – Naghandog ng toilet bowl ang San Manuel PNP sa Barangay Lanat, San Manuel, Tarlac nito lamang ika-28 ng Abril 2022.
Dalawang pamilya ang nahandugan ng toilet bowl sa pangunguna ni Police Captain Zosimo Exala Jr, Acting Chief of Police ng San Manuel Municipal Police Station.
Ang proyektong ito ay may temang “Regalong Toilet Bowl ni Tsip” at alinsunod sa PNP Core Values na “Makatao”.
Labis na tuwa at pasasalamat ang naging sukli ng mga nahandugan ng toilet bowl.
Layunin nitong mabigyan ng pangunahing serbisyo ang mga mamamayang walang kakayahang tustusan ang pang-araw-araw na pangangailangan at ipadama na may PNP na handang tumulong anumang oras.
###
