Tobias Fornier, Antique – Nanguna ang mga tauhan ng Tobias Fornier Municipal Police Station sa pamumuno ni Police Captain Grace A Saldajeno, Officer-In-Charge, sa pagsagawa ng Community Outreach Program- Feeding Program nitong ika-31 ng Hulyo 2022 sa Tobias Fornier, Antique.
Ito ay alinsunod sa selebrasyon ng Nutrition Month 2022 na may temang: “New Normal na Nutrisyon Sama-Samang Gawan ng Solusyon.”
Layunin ng aktibidad na makapamahagi ng masustansyang pagkain para sa mga kabataan sa Barangay Catoo-gan ng nasabing lungsod.
Kabilang din sa mga nakibahagi sa programa ang mga tauhan ng Municipal Nutrition Office sa pangunguna ni Mrs. Jesica A. Estaris, Nutrition Officer II, kasama ang mga Barangay Officials at ng mga kasapi ng Kabataan Kontra Droga at Terorismo.
Ang grupo ay tagumpay na nakapaghandog ng pagkain sa mga kabataang dumalo at nakiisa sa nasabing community outreach program.
Ang PNP ay patuloy na magsasagawa ng mga inisyatibo at iba’t ibang programa na talagang makakatulong sa komunidad.
###
