Sarangani – Arestado ang isang tindero ng kakanin matapos gawing “sideline” ang pagbebenta ng ilegal na droga sa ikinasang anti-illegal drug entrapment operation sa Purok Upper Cambuhan, Brgy. Sison, Maitum, Sarangani Province nito lamang ika-27 ng Marso 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang naarestong suspek na si alyas “Efren”, 53, may asawa, tindero ng kakanin at residente ng Brgy. West, General Santos City.
Ayon kay PBGen Macaraeg, bandang 7:00 ng gabi nang ikasa ang operasyon ng mga tauhan ng Maitum Municipal Police Station, Sarangani Police Provincial Office-Provincial Drug Enforcement Unit, Regional Special Operation Group 12, Regional Intelligence Division 12 Tracker Team Alpha, CIT GENSAN- RIU 12 at PDEA 12.
Ayon pa kay PBGen Macaraeg, agad na dinakip ang suspek matapos makabili ang nagpanggap na poseur buyer ng Php5,000 halaga ng shabu at nakuha mula dito ang 21 gramo ng ilegal na droga na nagkakahalaga ng Php147,000.
Kasong paglabag sa Comprehensive Dangerous Drugs Act of 2002 ang isinampang reklamo laban sa suspek.
“We will not tolerate any illegal trade of this contraband, the PRO 12 in partnership with the PDEA 12 and other law enforcement agencies, will continue in its advocacy to end the proliferation of illegal drugs in our region,” ani PBGen Macaraeg.
Panulat ni Patrolman Khnerwin Jay Medelin/RPCADU12
