Arestado ng mga awtoridad ang tatlong suspek sa nangyaring Robbery Hold-up matapos nakawan at barilin ang isang tindera sa isang Karinderya sa Barangay San Roque, Kitcharao, Agusan del Norte bandang 4:15 ng hapon nito lamang ika-14 ng Setyembre, 2024.
Batay sa ulat na inilabas ni Police Senior Staff Sergeant Josephus B Javerle, kinilala ng duty investigator ang mga biktima na sina alyas “Genalyn”, 54 anyos, babae; alyas “Evangeline”, 31 anyos at alyas “Salvador”, 65 anyos, Barangay Kapitan, may-ari ng tindahan at pawang residente ng Barangay San Roque, Kitcharao, Agusan del Norte.
Lumalabas sa inisyal na imbestigasyon na binabantayan ng mga biktima ang kanilang 24-hour karinderya at refreshment store nang dumating ang tatlong armadong lalaki na naka-bonnet at nagdeklara ng Hold-up sa mga biktima at biglang pinagbabaril ng isa sa mga suspek ang biktimang si Evangeline na sanhi ng agarang pagkamatay nito.
Bunga ng agarang aksyon ng Agusan del Norte PNP, mabilis na natukoy at naaresto ang tatlong suspek at nakumpiska ang mahigit Php30,000; dalawang kalibre ng baril; 2 yunit ng cellphone; isang brown leather bag; isang asul na sling bag; isang plaka na may markang 275ZEU; at tatlong jacket na ginamit umano ng mga suspek sa nangyaring krimen.
Patuloy ang Agusan del Norte PNP sa pagiging alerto sa mga insidente ng krimen na nakakatulong upang mabawasan ang pangamba at takot ng mamamayan upang ipakita na walang taong may pananagutan sa batas ang makakatakas dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Karen Mallillin
