Lapu-Lapu City – Kulong ang isang tindera na wanted sa kasong may kaugnayan sa ilegal na droga matapos maaresto sa inilunsad na operasyon ng mga operatiba ng Police Station 2, Lapu-Lapu City Police Office sa Sitio Soong 1, Brgy. Mactan, Lapu-Lapu City noong Hunyo 13, 2023.
Ayon kay Police Major Jaypee Dagami, Hepe ng Police Station 2 ng Lapu-Lapu City Police Office, ang akusadong kinilalang si “Bebe” ay inaresto kasunod ng paghahain ng Arrest Warrant dakong alas-9:40 ng gabi.
Nahaharap ang suspek sa kasong paglabag sa Sec. 11, Art. II ng RA 9165 na may rekomendadong piyansa na Php200,000..
Patuloy naman ang kapulisan ng lungsod sa pagtunton at pagtugis sa mga personalidad na may pagkakasala at nagtatago sa batas.
