Tawi-Tawi – Timbog ng mga tauhan ng Tawi-Tawi Provincial Mobile Force Company ang tatlong lalaking wanted sa kasong paglabag sa PD 1613 (Arson) sa Brgy. Mandulan, Bongao, Tawi-Tawi noong Hunyo 19, 2023.
Kinilala ni PLtCol Christian Joy Alqueza, Force Commander ng Tawi-Tawi PMFC, ang mga naarestong suspek na sina alyas “Ating”, 42; alyas “Talib” 38; at alyas “Adirin”, 39, na pare-parehong residente ng nasabing lugar.
Ang mga suspek ay may Warrant of Arrest sa kasong paglabag sa PD 1613 (Arson) na walang inirekomendang piyansa.
Itong matagumpay na operasyong ito ay nagpapatunay na ang mga tauhan ng PRO BAR ay hindi nagpapabaya sa kanilang sinumpaang tungkulin para makamit ang kaayusan tungo sa maunlad at mapayapang Rehiyong Bangsamoro.
Panulat ni Patrolman Mark Vincent Valencia
