Quezon City — Arestado ng mga tauhan ng QCPD ang tatlong Top Station Most Wanted Persons sa Aspen St., District 5, North Fairview, Quezon City nito lamang Sabado, Hunyo 17, 2023.
Kinilala ni PLtCol Elizabeth Jasmin, Station Commander ng Fairview Police Station (PS 5), ang suspek na si Eduardo Rubio, 44, na Top 2 Most Wanted Person sa Lungsod.
Si Rubio ay may nakabinbing Warrant of Arrest para sa paglabag sa R.A. 9165 o Comprehensive Dangerous Drugs Act of 2002.
Samantala, himas-rehas din ang Top 8 MWP na kinilalang si Benloyd Bercasio, 35, residente ng Marcelo St., Brgy. 177, Malibay, Pasay City dakong ala-6:00 ng gabi sa No. 1158 Mabini St., Ermita, Manila na pinangunahan ni Police Lieutenant Colonel Joseph Euje Almaquer ng Cubao Police Station (PS 7).
Si Bercasio ay haharap sa kasong paglabag sa R.A. 8353 o Anti-Rape Law.
Ang isa pang kabilang sa nahuli ng QCPD ay si Pao Pao Elmer, 23, residente ng No. 101 Road 2 cor., Road 9, Brgy. Bagong Pag-asa, Quezon City na Top 10 Most Wanted Person ng Project 6 Police Station (PS 15).
Ayon kay Police Lieutenant Colonel Richard Mepania, Hepe ng nasabing istasyon, naaresto si Elmer bandang alas-12:45 ng tanghali sa Brgy. Bagong Pag-asa, Quezon City at siya ay may nakabinbing Warrant of Arrest na Theft.
Sa pahayag naman ni PBGen Nicolas D Torre III, kanila nang naabisuhan ang court of origin ng mga Warrant tungkol sa pagkakaaresto sa mga suspek. Aniya, “We will put greater focus in arrest these wanted persons and we will make sure na sila ay mananagot sa mga kasong isinampa laban sa kanila.”
“Nararapat na purihin ang mga elemento ng Quezon City Police District sa kanilang hindi natitinag na pangako sa pagpapanatili ng ating pinaigting na kampanya upang tugisin ang mga Wanted Persons at dalhin sila sa mga korte upang sagutin ang mga kasong isinampa laban sa kanila”, mensahe naman ni PMGen Edgar Alan Okubo, Regional Director ng National Capital Region Police Office (NCRPO).
Source: SMART PIO QCPD
Panulat ni PSSg Remelin M Gargantos
