Bumagsak sa kamay ng batas ang tatlong lalaki sa kasong double murder at attempted murder sa isinagawang magkakasunod na operasyon ng mga otoridad sa Roxas, Cotabato nito lamang ika-20 ng Agosto 2024.
Kinilala ni Police Major Jun J Napat, Chief of Police ng Roxas Municipal Police Station, unang nadakma ang kinilalang suspek na si alyas “Tan”, 63, na residente ng Barangay Salat, President Roxas, Cotabato at sumunod naman ang dalawa pang suspek na sina alyas “Carlo”, 37 anyos at si “Payatog”, 58 anyos, na kapwa residente rin ng nasabing barangay.
Ang lahat na nahuling suspek ay itinuturing naman na Top 8 Regional Most Wanted Person.
Ang buong hanay ng Cotabato PNP ay hindi titigil sa pagpapatupad ng batas at patuloy na huhulihin ang mga taong may pananagutan sa batas para sa tahimik at maunlad na komunidad.
